पूजा खड्का
स्याङ्जा, १७ माघ । भिरकोट ३ मा रहेको श्री सहीद शुक्र माबि को ६९ औं वार्षिकोत्सब तथा अभिभाबक दिवस बुधबार शहीद हरूको स्मरण गर्दै कार्यक्रम सम्पन्न भएको छ।कार्यक्रममा गण्डकी प्रदेशका माननीय सीता कुमारी सुन्दास को प्रमुख आतिथ्यतामा सम्पन्न भएको हो ।
उहाले कार्यक्रममा बोल्दै विद्यालयको गतिविधि विद्यालयको लागि शिक्षक समुदायका व्यक्तित्वहरुले गरेको सहयोग र विद्यार्थीहरुको क्रियाकलापबाट आफू प्रभावित भएको बताउनुभयो। उहाले यहाको मतभारको महत्वलाई सम्बोधन हुने गरी आफूले सक्दो प्रयास गर्ने बताउँदै विद्यालय तथा भिरकोट तीन को विकासमा जोडिने प्रतिबद्धता गर्नुभयो।
त्यसै गरी विशिष्ट अतिथिको रुपमा रहनुभएका पुतलीबजार निवर्तमान उपप्रमुख सीमा क्षेत्रीले विद्यालयको ६९ औं बार्षिकोत्सव को शुभकामना व्यक्त गर्दै विद्यालय तथा समुदायको गतिविधिले आफ्नो मन छोएको व्यक्त गर्नुभयो।
कार्यक्रम विद्यालय व्यवस्थापन समितिका अध्यक्ष केशरजंग अधिकारीको अधयक्षतामा सम्पन्न उक्त कार्यक्रममा स्वागत मन्तव्य सहायक प्रअ रवीन्द्र खड्काले गर्नु भएको थियो। कार्यक्रम सञ्चालन विद्यार्थी सलिना खड्का र सुवास रोका को साथमा शिक्षक कृष्ण प्रसाद पौडेल ले गर्नुभएको उक्त कार्यक्रम मा भिरकोट वडा नम्बर ६ का वडा अध्यक्ष राम काजि ९लक्ष्मण ० केसि, भिरकोट ३ का सदस्य प्रेम राना, जनज्योति आधारभूत विद्यालय का प्रधानाध्यापक बिश्नुबिर विक विद्यालयका वरिष्ठ सल्लाहकार शुक्रराज काफ्ले, पूर्व वडा अध्यक्ष बाबुराम श्रेष्ठ, विजय काफ्ले, शिक्षक अभिभावक संघ का प्रकाश खत्री बानेथोक देउराली पोखरा सम्पर्क मञ्च का अध्यक्ष राम बहादुर केसी, पार्टी प्रतिनीधिहरु, विद्यालय मा सहयोग गर्ने अभिभाबक , पूर्ब विद्यार्थी हरु लगायत बौद्धिक व्यक्तित्वहरुको साथमा सर्वसाधारण शुभकामना युवा क्लब का प्राविधिक सहयोग लगायत विविध पदमा रहेका व्यक्तित्वहरू को उल्लेखनीय सहभागिता रहेको थियो।
कार्यक्रममा प्रधानाध्यापक चोलाकान्त काफ्लेले विद्यालयको बार्षिक प्रतिवेदन सहित आय व्यय प्रस्तुत सँगै विद्यालयमा सहयोग पुर्याउने सम्पूर्ण प्रति आभार व्यक्त गर्नु भएको थियो। कार्यक्रम मा रत्ना (प्रेम )राना ले विद्यालय मा आफू अध्ययन गर्दा समस्या भएको विषय मा जानकारी गराउँदै विद्यालयको शैक्षिक गुणस्तर वृद्धिका लागि अभिभाबक शिक्षक लाई सुझाब गर्दै विद्यालयको स्तरोन्नतिको लागि एक लाख दश हजार र हाल मा सुरुवात भएको छात्रा बास को सहयोग को लागि तीस हजार सहित एक लाख चालीस हजार सहयोग गर्नुभएको थियो । त्यसै गरी भूपू विद्यार्थी बाट अविचल केसि ले शुभकामना मन्तव्य राखनु भएको उक्त कार्यक्रम मा वक्ताहरुले विद्यालयको शैक्षिक गुणस्तर वृद्धि को लागि विद्यार्थी संख्यामा आएको कमी प्रति चिन्तन गर्दै बसाई सराई लाई न्यूनीकरण गर्ने विषय को साथमा आफ्नो ठाउँ मा केही गर्नुपर्छ भन्ने बाताबरण सृजना गर्न त्यही किसिमको शिक्षा आवश्यक रहेको विषय मा चिन्तन गर्दै बोल्नुभएको थियो।
कार्यक्रम मा २०७५ सालमा एस ई ई सकेर बाहिर हुजु भएका विद्यार्थीहरुले अक्षयकोष खडा गरेर गरीब तथा जेहेन्दार िद्यार्थीहरुलाई पुरस्कार को व्यवस्था गर्ने कार्य भएको थियो त्यसै गरी विद्यालय मा एथावत रहेका अक्षयकोष बाट विद्यार्थी तथा उत्कृष्ट शिक्षक लाई सम्मान गरिएको थियो। विद्यार्थी र शिक्षक को सहयोग मा विद्यालयमा नाटक प्रस्तुत सँगै माहोल रमाइलो भएको थियो भने विद्यार्थी र शिक्षक हरुले सामूहिक नृत्य प्रदर्शन गरेर मनोरञ्जन गराउँदा दर्षको आकर्षक बढेको र बाताबरण उल्लासमय रहेको थियो।
